ВИРУСЛИ ГЕПАТИТЛАР – жигарнинг кенг тарқалган хавфли инфекцион касаллиги хисобланиб, вирусларнинг асосан 6 хил тури фарқланади: А, B, C, D, E, G.

Вирусли гепатитлар организмга икки хил йўл билан тушади:
1. Энтерал йўл – бунда бемор одам ўз ахлати билан вируслар ажратади, у эса сув ёки овқат орқали бошқа одамларнинг ичагига тушади. Бунай зарарланиш гепатит A ва E вируслари учун хос.
2. Қон орқали – у гепатит B, C, D ва G вируслари учун хос бўлиб, зараланган қон орқали, жинсий йўл ёрдамида, татуировка ёки игна билан даволаш натижасида юқиши мумкин.

Гепатитларнинг инкубацион даври.
Хар бир вирус инсон танасига тушгандан сўнг клиник белгиларни юзага келтиришдан олдин маълум бир вақт давомида кўпайиш даврига эга. Бу давр инфекцион агент тури, зарарланган организмнинг ёши, жинси, иммун тизимини холатига қараб турлича бўлиши мумкин. Масалан:
•    Гепатит А учун инкубацион давр – 7 кундан 50 кунгача, ўртача 15-30 кунни;
•    Гепатит Е учун – 20-60 кун, ўртача 40 кунни;
•    Гепатит В учун – 50-180 кун, ўртача 85 кунни;
•    Гепатит С да – 14 кундан 6 ойгача, ўртача 45-60 кунни ташкил этиши мумкин.
•    Гепатит D да – инкубацион давр 4-5 кунга тенг: агар у бир вақтда гепатит В вируси билан тушса (коинфекция) ва 20-50 кунга тенг: агар у илгари гепатит В вируси билан оғриган бемор организмига тушса (суперинфекция).


© https://t.me/gepamed_ultra