ОЧЛИК ХИССИНИ НАЗОРАТ ҚИЛИШ УЧУН ТЕЗ-ТЕЗ ОВҚАТЛАНИШ.

Овқатланиш тартиби.

Тез-тез, бўлиб-бўлиб овқатланишнинг мохияти калориянинг кунлик нормасини бир неча қабул вақтларига тақсимлашдан иборат. Айнан неча маротабага бўлиш Сизнинг хохиш ва имкониятларингиздан келиб чиқади. Одатда бу кунда олти махал овқатланиш бўлиб, учтаси асосий ва учтаси ёрдамчи овқатланиш хисобланади. Агар Сизнинг кунлик калория меёрингиз 1500 ккал бўлса, бир махалига 250 калория тўғри келади. Бу дегани ёки битта сендвич, ёки бир стакан кефир билан олма бўлиши мумкин.
   
Бўлиб-бўлиб овқатланишнинг устунликлари.

Бу усулнинг афзаллиги шундаки кун давомида сиз оз-оздан овқатланиб турганингиз учун қорнингиз очганини хис қилмайсиз. Очлик хиссини сезмаслик холатини нормал тана вазнли ёш эркакларда ўтказилган тажриба натижалари тасдиқлайди. Олимлар фикрича кунлик нормани беш-олти қисмга ажратиб ейиш, бари порцияни бир ўтиришда еганга нисбатан очлик хиссини назорат қилиш имконини беради. Ундан ташқари тез-тез овқатланиш қонда глюкоза, инсулин ва «ёмон» холестерин миқдорини тушириб юборади. Натижада эса тана вазнини пасайиши кузатилади. Овқатланиш тартибининг бу турини соғлиқ учун бир қатор фойдалари бор экан, уни синаб кўрса бўлади.                                                               

Бўлиб-бўлиб овқатланиш кимларга тавсия этилади.
•    Ортиқча вазнингиз ва озиш ниятингиз бўлса, озиш турларини истаётган бўлсангиз;
•    Кун давомида қўшимча овқатланишга шароитингиз бўлса;
•    Кун давомида тез-тез қорнингиз очқаб, кечга яқин кўп овқат еб қўйиш одатингиз бўлса;
•    Қондаги ёмон холестерин ва инсулин миқдорини тушириш ниятингиз бўлса;


© www.gepamed.uz