ОЛИМЛАР АЛКОГОЛНИНГ ЗАРАРСИЗ ДОЗАСИНИ ХИСОБЛАБ ЧИҚИШДИ.

 ОЛИМЛАР АЛКОГОЛНИНГ ЗАРАРСИЗ ДОЗАСИНИ ХИСОБЛАБ ЧИҚИШДИ.

Алкоголнинг хар бир «ортиқча» дозаси онкологик хасталиклар билан касалланиш хавфини оширади.

Инсон саломатлигига зарар етмаган холда алкоголнинг битта стандарт порциясидан ортиқ бўлмаган дозасини ичиш мумкин. Бу кунига тоза этанолнинг 10 грамми дегани. Ukrhealth маълумотларига қараганда Шимолий Ирландиядаги Белфаст қироллик университети олимлари шу фикрга келишган. Текшириш натижалари айнан шу дозага риоя қилинганда бошқа ичувчиларга қараганда хавфли ўсмаларнинг ривожланиши кескин камайганини тасдиқлайди.

Кунига 100 мл қуруқ вино – чегара дозаси хисобланади.

Ундан ортган хар бир кейинги доза саратон ривожланишини пропорционал равишда оширади. Текширув 99,6 минг одамлар орасида ўтказилган бўлиб, 1998-2000 йилларда кўнгиллилар ўртасида алкоголни ичиш миқдори махсус сўровнома асосида аниқланган. Сўнгра олимлар кейинги 9-10 йил давомида тадқиқот гурухини назорат қилишган.

Бу давр мобайнида саратон касаллиги 12,5 мингта одамда аниқланиб, уларнинг 9 мингтаси вафот этган. Касалликлар статистикаси ва алкогол истеъмолини тахлил қилиш орқали шу фактлар таниқланган.
 
Бутун дунё соғлиқни сақлаш ташкилоти (БССТ) нинг маълумотига кўра 10 грамм спирт (этанол) тахминан қуйидагиларга тўғри келади:
– 30 мл ароқ, коньяк, виски, бренди ёки рома (40% ли);
– 75 мл ширин вино, портвейн ёки вермут (17-20%);
– 100 мл қизил ёки қуруқ вино, шампанский (11-13%);
– 250 мл пиво (5% об.).

БССТ кўрсатмаларига кўра эса чегара дозаси қилиб: кунига эркаклар учун – 40 грамм, аёллар учун -30 грамм тоза спирт белгиланган. Бу хафтасига 5 кун ичган одамлар учун тааллуқли холос, қолган икки кун бир томчи хам ичилмаслик керак.

Бошқа бир қатор олимларнинг таъкидлашича рухсат этиладиган доза организмнинг индивидуал хуссиятларига (тана вазнига, хроник касалликлари мавжудлигига, юрак қон томир тизими холатига) боғлиқ.

Илмий нуқтаи назардан эса алкогол марихуанадан зарарлироқ хисоблананади, янада зарарлиги унинг хеч қандай тўсиқларсиз сотилишида. Алкоголнинг зарарини диқкат эътибордан қочирмаслик керак. АҚШ соғлиқни сақлаш вазирлиги алкоголни канцероген моддалар сафига қўшади ва жисмоний боғлиқлик чақириши хақида огохлантиради.  

Www.gepamed.uz