ВЕНА ИЧИ ВА МУСКУЛ ОРАСИГА ДОРИ ЮБОРИШ МЕТОДИКАСИ.

ВЕНА ИЧИ ВА МУСКУЛ ОРАСИГА ДОРИ ЮБОРИШ МЕТОДИКАСИ.

ВЕНА ИЧИГА ДОРИ ЮБОРИШ МЕТОДИКАСИ.

Турли фильмларда кино қахрамонларини ўз венасига ўзлари дори воситаларини юборганини кўп кўрганмиз. Буни хақиқатда иложиси бор. Аммо стерил шароитни ва дори воситасини вена ичига сифатли юборишни таъминлаш учун бу муолажани ўз мутахассислари бажаргани маъқул.

Вена ичига инъекция қилиш техникаси.

•    Қўлларингизни ювиб, антисептик билан ишлов беринг.
•    Шприцнинг яроқлилик муддати ва упаковкаси герметиклигини текширинг.
•    Упаковкани очиб шприц билан игнасини бирлаштиринг.
•    Дори воситасининг номини, яроқлилик муддати, дозасини текширинг.
•    Ампулани спиртли пахтада ишлов бериб очиб, шприцга керакли миқдорда дори воситасини олинг.
•    Шприцни стерил лотокка жойланг.
•    Стерил пахтали шарикларни (камида 4 дона) тайёрлаб лотокка қўйинг.
•    Пациентни горизонтал ёки ўтирган холатга келтиринг, тирсагини максимал очилиши учун қўли остига клеёнкали ёстиқча қўйинг.
•    Пациентнинг елкасини ўрта қисмига веноз жгут қўйинг, бунда унинг халқаси пастга, учлари тепага қараган бўлиши керак.
•    Пациентга қўл бармоқлари билан харакат қилиш тавсия этилади.
•    Қўлларингизга стерил перчаткаларни кийиб, бармоқ билан тўлган венани пайпасланг, спиртли пахта билан терига ишлов беринг. Пациентга бармоқларини мушт қилиш сўралади.  
•    Чап қўлингизни бош бармоғи билан тирсак сохасини териси ва венани фиксацияланг, ўнг қўлингизга шприцни олиб, игнанинг кўндаланг кесимини юқорига қаратиб, 25 градус бурчак остида эхтиётлик билан тери ва венага санчинг.
•    Игнани узунлигини 1/3  қисмигача вена ичи бўйлаб киргизилади, бўшлиққа тушган каби хиссиёт пайдо бўлганда ва шприц цилиндрида қон пайдо бўлганда тўхтатилади.
•    Қўлингиз билан поршенни тортиб кўриб, игнани  вена ичига тушганлиги яна текшириб олинг ва чап қўл билан жгутни ечинг, беморга қўлларини очишни айтинг.
•    Шприц холати ўзгартирилмасдан дори юборинг, инъекция сохасига пахтали тампон қўйиб, шприц аста тортиб олинг. Беморга қўлларини букиб олишкераклигини айтинг.  


 

МУСКУЛ ОРАСИГА ДОРИ ЮБОРИШ МЕТОДИКАСИ.

Мускул орасига дори юборишда игна санчиладиган сохалар йирик қон томирлар ва нерв чигалларидан холи бўлиши керак. Одам танасида бундай соха думба мускуллари хисобланади. Бунинг учун 3 ёки 5 мл ли шприцлардан фойдаланилади. Укол қилинган сохада мускул тўқимасида ўзига хос депо хосил бўлиб, аста-секин қонга сўрилиб бутун танага тарқалади.

Инъекцияга тайёргарлик.
Мажбурий шартлардан биттаси гигиеник талабларга риоя қилиш хисобланади. Уколдан олдин қўл яхшилаб ювилади, укол учун дори препарати, стерил шприц, ампула очгари аррача, пахта ва спирт тайёрланади. Укол қилинаётган одам горизонтал холатни эгаллаши тавсия этилиб, шу холатда мусуллар тўла бўшашади. Агар ўзингизга укол қилаётган бўлсангиз тик турган холат хам бўлаверади.  

Мускул орасига инъекция қилиш техникаси.
•    Шприцни упаковкасидан чиқаринг ва игнаси билан бирлаштиринг.
•    Ампулани кўздан кечиринг, номини ва дозасини тавсия қоғози билан солиштириб олинг.
•    Ампулани спиртда намланган пахта билан артиб, махсус аррача (лезвие) ёрдамида ампулани очинг.
•    Игна билан ампула деворига тегизмаган холда керакли миқдорда дори препаратини олинг.
•    Шприцни игнасини юқорига қилиб, хавосини чиқариб юборинг.
•    Спиртли салфетка ёрдамида думбанинг инъекция қилинадиган сохаси: устки-ташқи бурчагини артинг.
•    Енгил харакат билан мускул орасига тўғри бурчак остида игнани киргизинг.
•    Аста секин поршенни босиб дорини юборинг.
•    Шприцни тортиб олиб укол сохасига пахтани қўйиб бироз массаж қилинг.




Инъекциялар одатда бир неча курсларга бўлинади. Айрим препаратлар (масалан, В гурухи витаминлари) бироз оғриқли хиссиёт беради. Узоқ курсларда думбаларни алмаштириш ва инъекциялар орасини бир-биридан 1-2 см қочириш тавсия этилади. Укол қилинган сохага йодли сетка қилиш дори воситаларини тезроқ сўрилишини ва дискомфорт холатини олдини олишни таъминлайди.


© www.gepamed.uz