Катталарда бурун битиши оддий ЎРВИ (ўткир респиратор вирусли инфекция), мавсумий аллергия ёки хаво сифатига реакция сифатида ривожланади. Хар қандай холатда бу ноқулай хиссиёт ишлаш ва дам олишга халақит беради. Уй шароитида бурун битишини қандай қилиб йўқотиш мумкин.
1. Бурнингизни шўр сув билан ювинг
Бурунни пипетка ёрдамида бурун спрейи ёки ўзингиз тайёрлаган тузли сув билан чайинг. Эффект бир хил бўлади – тузли эритма бурун йўлларини тозалайди, уларда тўпланган шилимшиқни суюлтиради, бурун шиллиқ қаватининг таъсирчанлигини камайтиради ва шишни йўқотади. Бунда қуйидаги бир нечта муҳим хавфсизлик қоидаларини ёдда тутинг.
• Ҳеч қачон бурунни оқар водопровод суви билан ювманг. Унда патоген микроорганизмларни бўлиши мумкин.
• Дистилланган сувдан фойдаланинг, ёки водопровод сувини 3-5 дақиқа давомида қайнатиб, кейин озгина совутинг.
• Бунинг учун фойдаланидиган буюмларингизни зарарсизлигини таъминланг.
2. Хаво намлагични ёқинг
Буруннинг шиллиқ қаватининг шиши сабаби кўпинча қуруқ ҳаво шароитида қолиш хисобланади. Дейлик кун бўйи иссиқ ва етарлича шамоллатилмаган офисда ўтириш натижасида бурун шиллиқ пардалари ҳам намликни йўқотади. Сувсизланиш ўз навбатида шиш пайдо қилади.
3. Иссиқ буғда нафас олинг
Бувиларимиздан қолган усул - бирор ўртача идишга иссиқ сув қуйиб, бошингизга бирорта сочиқ ташлаган холда бошингизни эгиб, иссиқ буғдан нафас олинг. Бу усул бурун шиллиқ қаватни намлашга ёрдам беради. Сувга бир неча томчи эвкалипт, шалфей, календула ёки липа ёғини қўшиш мумкин. Улар яллиғланишга қарши хусусиятга эга.
4. Бир оз чой ичинг
Гиёхли чой, илиқ мевали компот, сув. Бу ичимликларнинг барчаси бурун шиллиқ қаватларнинг сувсизланиши билан бир хил даражада яхши курашади ва шу билан уларнинг таъсирланиш хусусиятини камайтиради.
5. Илиқ душ қабул қилинг
Бу усул илиқ сув буғида нафас олиш каби ёрдам беради. Нам ҳаво шилимшиқнинг суюлтиради ва чиқишини яхшилайди.
6. Бурун устига илиқ компресс қўйинг
Иссиқ компрес бурун катакларида қон айланишини яхшилайди. Бу сизни шишдан халос қилмайди, аммо иссиқлик, албатта, шиллиқ қаватнинг шиши билан боғлиқ ноқулайликни камайтиради.
7. Оёқларингизга ванночка қилинг.
Оёқларингизни иссиқ сувга 15-20 дақиқа солиб туринг. Бу бутун танада қон айланишини яхшилайди, организмдан вирусни чиқишини тезлатади.
www.gepamed.uz
