Хотира билан боғлиқ бўлган илмий текширувлар доимий равишда олиб борилади. Олимлар хотирада сақлаб қолиш механизми ва сақланган ахборотларни қайтадан баён қилиш қилиш учун энг қулай шарт-шароитларини ўрганишади.

Шу каби текширувларнинг бирида ахборотларни ўзлаштириш ва сақлаб қолишда кортизол гормонини мухим роль ўйнаши айтиб ўтилди. Кортизол – стресс гормони хисобланиб, хотирадан маълумотларни йиғиб олишда қатнашади, аммо унинг ортиқча кўплиги бу жараённи бузади.

Олимлар бу омилни ўз текширувларида ўрганишга қарор қилишди. Текширилувчиларга маълум хажмдаги ахборотларни эслаб қолиш ва уни маълум муддатдан сўнг баён қилиш тавсия этилди. Эслаб қолиш ва баён қилиш даврида эса кўнгиллиларни 3 гурухга ажратишди. Уларнинг биринчисига компьютерда агрессив ўйинлар ўйнаш, иккинчи гурухга югуриш, учинчи гурухга эса бор йўғи тоза хавода сайр қилиш шарти қўйилди. Натижа қуйидагиларни кўрсатди: Маълумотларни ёдлаб олиб кейин югурган инсонлар гурухида хотира кучайгани маълум бўлиб, бу югуриш пайтида кортизол гормонини ажралиши билан тушунтирилди. Компьютерда ўйин ўйнаган гурухдаги инсонлар паст кўрсаткични намоён килишди. Сайр қилган инсонлар эса оралиқ натижани қайд этишди.

Хулоса. Ахборотларни яхши эслаб қолишни истасангиз, уларни ёдлагандан сўнг жисмоний юкламалар билан шуғулланинг.              


www.gepamed.uz