Сўровларга қараганда ер шарининг хар тўртинчи инсони даврий равишда (хар келгуси душанбадан) ортиқча вазндан халос бўлиш мақсадида овқат истеъмол қилишдан ўзини тиймоқда. Бу мақсадда кимлардир пархез билан бирга сийдик хайдовчи ёки ич келишини кучайтирувчи препаратлар хам қабул қилмоқда. Қуйида инсон саломатлигига путур етказиши мумкин бўлган пархезларни келтириб ўтамиз.

Қон гурухига қараб пархез қилиш.
Кўпчилик одамнинг қон гурухи унинг шахсияти тури ва овқатланиш одатини белгилаб беради деган фикрда юради. 1960 йилларда қон гурухига асосланган пархез жуда оммалашган эди. Биринчи қон гурухи бўлган одамларга – уларнинг авлодлари овчи бўлгани сабабли кўпроқ гушт махсулотларини истеъмол қилиш, иккинчи қон гурухидаги одамлари азалдан дехқончиик билан шуғуллангани боис ўсимлик махсулотлари ва ғалла махсулотлари ейиш тавсия этилган ва хакозо. Аммо олимларнинг изланишича қон гурухининг инсоннинг овқатланиш тури билан хеч қандай боғлиқлиги йўқлиги, ортиқча вазндан бу орқали қутулишнинг эса барчаси нотўғрилиги аниқланган.

Гормонал пархез.
«ХГЧ-пархез ойига 13 кг гача вазн ташлашга ёрдам беради, бунинг учун хомиладор аёллар сийдигида мавжуд бўлган хорионик гонадотропин гормонини инеъкциясини қилиш» га асосланган пархез хозир ўз актуаллигини йўқотган. Бу пархез уколдан ташқари шунингдек кунига 500 ккал дан ортиқ овқат емасликни тавсия этади. Агарда ўртача статистик эркакларни кунига 2600 ккал истеъмол қилинишини хисобга олсак – «азобли» очлик хиссига хам дош беришга тўғри келади дегани. Бу пархез орқали асабий анорексия ва ошқозон-ичак касалликларини орттириб олиш хавфи юқори.

Пахтали шарчалар билан пархез қилиш
Айрим одамлар очлик хиссини камайтириш мақсадида пахтали шарикларни қабул қилишади. Буни кўп қўллайдиган моделларнинг айтишича мазаси жихатидан улар бўлмағур хисобланади аммо апельсин соки (14 ккал) билан қабул қилинса – чидаса бўлади. Бу пархез бир қатор касалликлар пневмония (пахта толаларини ўпкага тушиши натижасида) ёки ичак тутилиши (ичак обструкцияси хисобига) га сабаб бўлиши мумкин.     

Карамли шўрва билан пархез қилиш
Бу пархез ёрдамида хафтасига 5 кг гача йўқотиш мумкин бўлиб, фақат карам шўрва ичиш билан характерланади. Бу пархезнинг камчиликлари: 1. хафта давомида оқсил, ёғ ва углеводлардан воз кечишга тўғри келади; 2. пархез тўхтатилгандан сўнг тезлик билан йўқотилган килограмларни тиклаб олиш мумкин.

Сиркали пархез
Олма сиркаси билан узоқ вақт семизлик, қандли диабет, ва ракнинг айрим турлирини даволаниб келинган. Сирка очлик хиссини камайтиргани билан агрессивлиги юқори бўлгани учун – тишлар эмали ва қизилўнгач шиллиқ қаватига зарарли тасъир этади. Кўп миқдорда калий тутгани сабабли суякларни кучсизлантиради. Суюлтирилган сиркани ортиғи билан икки хафта қабул қилиш мумкин. Зарда бўлиш, кўнгил айниши, ошқозон сохасидаги дискомфорт ва оғриқ кузатилганда пархез тўхтатилиши шарт. Пархез вақтида ширинлик, ёғли ва аччиқ овқатлар ейиш маън қилинади.   

Болалар овқати ёрдамида пархез                              
Бу пархез голливуд юлдузлари учун ишлаб чиқарилган бўлиб, Гвинет Пэлтроу, Риз Уизерспун ва Дженнифер Энистон каби актрисалар унга амал қилган. Бу пархезнинг мохияти тўлақонли овқатни пюрелар билан алмаштиришдан иборат. Кунига 14 банка болалар овқати ейилади. Порциялари кичик бўлгани билан калорияси жихатидан кундалик еб юрган овқатлар калориясига тенг хисобланади. Аммо минерал ва витаминларни тутиш таркиби билан фарқ қилади.
 
Глистлар ёрдамида пархез
Бу пархез Таиландда кашф қилинган бўлиб, организмни ичак қурти билан зарарлаш ва еган овақатингни шу қуртга едиришга асосланган. Кўпинча бу мақсадда инсонга тениаринхоз – яъни хўкиз лентасимон қурти юқтирилади. Пархез таъсирида одамнинг озиши кафолатланади аммо кейинча ўлчамлари 3-12 метргача етадиган бу қурт билан курашишга тўғри келади. Унинг ички аъзоларга етказадиган зарарли таъсири хақида эса гапирмаса хам бўлади.

© www.gepamed.uz