Тирноқларни ғажиш одати болаликдан пайдо бўлсада кимлардадир то умрининг охиригача сақланиб қолади. Бу одат нафақат косметик дефектларга балки бошқа жиддий муаммоларга хам сабаб бўлиши мумкин.
Нега тирноқларни ғажиш мумкин эмас.
Тўғри тирноқларни доимий ғажиш ўлим хавфини туғдирмайди, аммо ўзига хос бир қатор кўнгилсизликларга сабаб бўлиши мумкин, яъни:
1. Тирноқларнинг шакли ва улар атрофидаги терининг холати бузилади. Тирноқ милки терисини кўчиши, уларга инфекция тушиб яллиғланиши мумкин.
2. Олдинги курак тишлари холати ўзгаради, тиш эмали ёриқлари пайдо бўлиб, милклар ва оғиз бўшлиғи яллиғланиши ривожланиши мумкин.
3. Ошқозон-ичак тизими фаолияти бузилишлари, тирноқ остидаги кир (микроорганизмлар) хисобига яллиғланиши кузатилади.
Зарарли одатдан қандай қутулиш мумкин.
1. Тирноқларни мунтазам олиб (калталатиб) юринг.
Тирноқларингиз қанчалик калта бўлса, одатингиз шунчалик тез йўқолади.
2. Профессионал маникюр қилдиринг.
Биринчидан «қимматбахо маникьюр» ни бузиб қўйишга ачинасиз, иккинчидан чиройли тирноқларни ғажишга кўзингиз қиймайди.
3. Биттадан бармоқ тирноғини ғажимасликка ўрганинг.
Одатингизни аста-секин йўқотишга харакат қилинг. Масалан, аввал ўнг қўлингиздаги бош бармоғингизни тирноғини ғажишни бас қилинг, кейин яна бир бармоғингизни қўшинг, кейин навбатдаги қўлингизга ўтинг. Шу тариқа тишланиши таъқиқланган бармоқлар сонини кўпайтиринг.
4. Аччиқ таъмли махсус лаклардан фойдаланинг
Аптека ва косметик магазинларда тирноқларни ғажимаслик учун махсус лаклар сотилади. Шуларни суртиб юринг.
5. Кўлқоп тақиб юринг ёки тирноғингизни пластырь билан ёпиб юринг.
Энг эффектив усул. Бу пайтда тирноқларга бевосита етиб боришнинг хеч қандай имкони қолмайди.
6. Ўзингизга эътибор беринг.
Қайси пайтларда қўлингиз оғзингизга қараб кетаётганини тушунишга харакат қилинг. Балки Сизни тирноқларингизнинг четлари нотекислиги ғашингизни келтираётгандир, балки тирноқ милки (валиги) ажралиб қолгандир, балки зерикишдан ёки хавотирдандир. Сабабини топишга харакат қилсангиз олдини олиш ва назорат қилиш осонроқ бўлади.
7. Бир зарарли одатингизни бошқасига алмаштиринг.
Қўлингизни доимо банд қилиб, нимадир олиб юринг. Антистресс ўйинчоғини тишлаш, спиннерни айлантириш, темир тангачани бармоқлар орасида ўйнаш ёки оддий авторучкани шақиллатиб ўйнаш хам мумкин. Тирноғингизни ғажиш ўрнига ўрнига олма ейиш ёки резина сақични чайнашга одатланинг.
8. Врачга мурожаат қилинг.
Айрим пайтларда бармоқларни ғажиб қўйиш, ақлий ва эмоционал зўриқишдан далолат беради. Барча чораларни қилиб кўрган бўлсангизу одатингиз қолмаса, врачга мурожаат қилинг.
© www.gepamed.uz
