АНТИБИОТИКЛАРНИ ТАРТИБСИЗ ИЧИШ ОҚИБАТЛАРИ

АНТИБИОТИКЛАРНИ ТАРТИБСИЗ ИЧИШ ОҚИБАТЛАРИ

Хар йили турли резистент касалликлардан 30 мингдан зиёд беморлар вафот этади. Антибиотикларни асосланмасдан қўллаш бир томондан ўлимлар сонини кўпайтирса, иккинчи томондан микроорганизмларни микробга қарши препаратларга қаршилигини ортиши натижасида инфекцион касалликларнинг асоратланиши ва оғир формаларини кўпайишига олиб келмоқда. Бошқача айтганда антибиотиклар ўз эффективлигини йўқотмоқда.


Масалан, асримиз бошида стрептококкли инфекция пенициллин билан даволанган бўлса, хозирда стрептококклар таркибида пенициллинни парчаловчи ферментлар  тутади. Илгари айрим касалликлардан битта укол ёрдамида даволанилган бўлса, хозирда узоқ давом этувчи терапия курслари қўлланилмоқда.
Микроорганизмларнинг антибиотикларга бўлган мустахкамлигини пайдо бўлиши бу препаратларнинг арзон ва хамёнбоплигида, уларнинг хеч қандай рецептларсиз берилишида деб тушунтириш мумкин. Айрим беморлар антибиотикларни врач кўрсатмасисиз сотиб олишга ўрганишган ва тўғри келган инфекцияда мустақил равишда қўллашмоқда. Айрим беморлар эса врачлар буюрган антибиотикларни қўллаш даврида биринчи симптомлари йўқолиши билан даволанишни тўхтатиб қўйишмоқда. Натижада организмда хали ўлиб улгурмаган микробларнинг кескин ўсиб кетиши ва ўзларининг антибиотикка бўлган барқарорлик генларини авлодига қолдириши кузатилмоқда.  


Антибиотикларни тартибсиз қўллашнинг яна бир  ёмон томони замбуруғли инфекциянинг тўхтовсиз ортиб кетиши хисобланади. Бу холат организмдаги табиий микрофлоранинг сўндирилиши ва натижада соғлом иммунитет илгари рухсат бермаган инфекцион жараёнларнинг кучайишига сабаб бўлмоқда.


© www.gepamed.uz