Heriot-Watt University олимлари ўтказган тадқиқотларга кўра инсоннинг характери ва у севиб тинглайдиган мусиқа жанри орасида боғлиқлик мавжуд экан.

Экспериментнинг биринчи қисмида 36518 та ёш иштирокчилар ўзларининг шахсий хохишларидан келиб чиққан холда 104 та мусиқа жанрини ёқиши жихатидан тартиб билан ёзиб чиқишган. Иккинчи босқичда эса иштирокчилар хаммаси иккитадан бўлинган холда шеригининг феъл атворини у энг кўп эшитадиган 10 та композицияга қараб аниқланган.

Тахлил учун инсонларнинг 5 та сифати олинган: янги тажрибага бўлган  муносабат, экстраверсия (инсоннинг ўз атрофида бўлаётган воқеъликларга муносабати), хушмуомалалиги, виждонийлиги ва эмоционал вазминлиги.    

Олинган натижалар асосида олимлар қуйидаги хулосага келишди:
•    Поп мусиқа мухлислари энг кўчиликни ташкил этиб улар экставерт, ўзига ортиқча ишонган, лекин унчалик ижодий инсонлар эмас. «Попса» сингари улар ўзлари хам ўзгарувчан, улар «кайфият инсонлари», яъни неки қилса бари кайфиятига қараб бажарилади. Хорижий попсани ёқтирувчилар оммадан ажралишни истовчи инсонлар хисобланади.   
•    Шансон ишқибозлари - мард, илтимос билан тўғри мурожаат қилувчи ва ўрнига қўйиб миннатдорчилик билдирувчи, хар қандай вазиятдан осон чиқиш йўлларини билувчи, жуда кўп фойдали танишлари бор инсонлар бўлади. Уларнинг камчилиги дангаса ва орзу кила олмаслиги хисобланади.
•    Опера иштиёқмандлари хушмуомила, очиқ ва ижодий инсонлар хисобланар экан.
•    Блюз жанри ихлосмандлари – креатив, киришимли, мулойим ва такаббур бўлар экан;
•    Джаз мухлислари эса – ижодий, хушмуомила ва ўзига бино қўйган экан.
•    Классик мусика тарафдорлари – интроверт типида (ўз ички дунёсига эътибор берадиган) бўлишига қарамай, ўз қадрига етадиган, фавқулодда ижодий экан.
•    Реп севар инсонлар – киришимли ва бироз эгоист.
•    Кантри-энд-вестерн фанатлари – мехнатсевар, ва атроф мухит билан осон тил топа оладиган.
•    Ритмик рақс мусиқаси мухлислари – экстраверт типида, маълум ижодий хусусиятларига эга.
•    Болливуд фильмлари қўшиқларини хуш кўрадиганлар – рахмдил ва дўстсевар.
•    Рок ва оғир мусиқани севувчилар – ўзига паст бахо берадиган аммо юқори ижодий потенциалга эга, бироз ишёқмас инсонлар бўлар экан.

Бу келтириб ўтилган таърифларнинг бари ўртачалаштирилган бўлиб, кўнгилга яқин олмаслигингиз сўралади. Негаки мусиқа турини танлаш инсон қалби холати, ёши ва мухитга қараб ўзгариб туради.

© https://t.me/gepamed_ultra