Сув париси синдроми - боланинг кам учрайдиган ривожланиш нуқсонларидан бири бўлиб, тиббиёт тилида сиреномелия деб аталади. Бу касаллик билан туғилган болаларда балиқнинг думига ўхшаб оёқларининг бир-бири билан қўшилиб ўсганини кўриш мумкин.

Нормал хомиланинг киндик томирларида битта вена ва иккита артерия бўлса, сиреномелияда битта киндик артерияси ва битта вена бўлади холос. Уларнинг буйраклари ва жинсий аъзолари бўлмайди. Чаноқ суяги, тўғри ичаги ва сийдик пуфаги ривожланмаган бўлади. Аортани бўлиниши (бифуркацияси), буйрак ва оёқларга кетадиган артериялари бўлмайди. Коннинг кескин нотўғри тақсимланиши кузатилади. Ички аъзоларнинг кучли зарарланиши хисобига улар тезда нобуд бўладилар.

Бу касаллик 100000 та чақалоқдан биттасида учраши мумкин. Сув париси синдромини генетик келиб чиқиши исботланмаганн. Унинг келиб чиқишида бир қатор омиллар роль ўйнайди. Бу касаллик билан туғилганларнинг 50 фоизи ўлик туғилади. Тирик туғилганлари эса бир неча дақиқадан бир неча кунгача яшайди холос. Бутун йиллар кузатуви давомида фақатгина учта бола яшаб кета олган.
 

© https://t.me/gepamed_ultra